U realnaści, jon zabity paviedamleńniami ab bajavych dziejańniach na ŭschodzie Ukrainy.
Ciońniašniaja ŭkrainskaja ŭłada padajecca jak «chunta» ci časam navat «nieanacystskija złačyncy», jakim supraćpastaŭlajucca mužnyja i hieraičnyja bajcy «DNR». Naviny, jakija tyčacca RF, taksama asablivaj aryhinalnaściu nie adroźnivajucca. Asnoŭny ich pasył: sankcyj my nie baimsia, u kryzisie vinavatyja śpiekulanty.
Biełaruś pakul nie vielmi cikavić hetych amataraŭ «Navarosii».
Apošniaja navina pryśviečanaja našaj krainie datujecca siaredzinaj śniežnia i pryśviečana ŭviadzieńniu 30% zboru na nabyćcio valuty. Devalvacyja, jakaja faktyčna, adbyłasia praź niekalki tydniaŭ nie vielmi cikavić aŭtaraŭ — u adroźnieńnie ad danieckaj i łuhanskaj «niezaležnych respublik».
Sam sajt byŭ stvorany ŭ sakaviku minułaha hoda. Na siońniašni dzień naviedvalnaść na im niebłahaja — kali vieryć ličylnikam, štodnia jaho čytajuć ad 10 da 15 tysiač amataraŭ «navin Navarosii».
Ułaśnik sajta afišavać svaju asobu nie choča. Nijakich kantaktaŭ administracyi na samim resursie niama (što davoli dziŭna dla sajta, jaki choča vyhladać jak surjozny infarmacyjny partał). Na siervisie hoster.by, na jakim možna daviedacca ab ułaśnikach biełaruskich internet-partałaŭ, paviedamlajecca, što news-mail.by zarehistravany fizičnaj asobaj, ale jaho administratar vyrašyŭ schavać svaje źviestki.
U sacsietkach taksama nie znajści nivodnaha narmalnaha čałaviečaha akauntu admina sajtu. Na paviedamleńni ŭładar resursu taksama nie adkazaŭ.
Ahułam, Rasija finansuje dziasiatki sajtaŭ na temy Navarosii, u tym liku ŭ zonie.by. Jany vystupajuć za likvidacyju dziaržaŭnaści Biełarusi i Ukrainy i mabilizujuć svaich čytačoŭ na ŭzbrojenuju baraćbu.
