«U miežach vykanańnia stratehičnaj zadačy pa dedałaryzacyi ekanomiki i pavyšeńni davieru da nacyjanalnaj valuty da kanca lutaha hetaha hoda praŭleńniem Nacyjanalnaha banka buduć razhledžanyja prapanovy pa skaračeńni vypadkaŭ vykarystańnia zamiežnaj valuty, kaštoŭnych papier i płaciežnych dakumientaŭ u zamiežnaj valucie pry raźlikach na terytoryi Respubliki Biełaruś», — paviedamlaje ŭpraŭleńnie infarmacyi i hramadskich suviaziaŭ Nacbanka pavodle vynikaŭ praviedzienaha 30 studzienia ŭ Minsku pašyranaha pasiadžeńnia praŭleńnia Nacyjanalnaha banka Respubliki Biełaruś.
Adnačasova płanujecca pryniaćcie narmatyŭnaha pravavoha akta pa funkcyjanavańni ličbavaha bankinhu ŭ Biełarusi, skiravanaha na stvareńnie nieabchodnych umoŭ dla akazańnia poŭnaha śpiektra bankaŭskich pasłuh i praduktaŭ praz dystancyjnyja kanały absłuhoŭvańnia, spraščeńnia identyfikacyi klijentaŭ — fizičnych asob i funkcyjanavańnia paŭnavartasnaha elektronnaha dakumientaabarotu bieź nieabchodnaści dadatkovaha zapatrabavańnia dakumientaŭ na papiarovym nośbicie, paviedamlaje rehulatar.
