Viciebskim haradskim adździełam Śledčaha kamiteta rasśledujecca kryminalnaja sprava na padstavie artykuła «Chulihanstva», raspačataja ŭ 2013 hodzie ŭ dačynieńni da žychara Viciebska.
Jak paviedamiła aficyjnaja pradstaŭnica ŭpraŭleńnia SK pa Viciebskaj vobłaści Ina Harbačova, śledstvam ustanoŭlena, što 16 listapada 2013 hoda mužčyna 1964 hoda naradžeńnia byŭ źmieščany ŭ miedycynski vyćviareźnik UUS Viciebskaha abłvykankama za ŭčynieńnie administracyjnaha pravaparušeńnia. Znachodziačysia ŭ pałacie, jon, hrebujučy ŭstanoŭlenymi praviłami pavodzin i vykazvajučy jaŭnuju niepavahu da prysutnych, ahaliŭ svaje pałavyja orhany, paśla čaho nieadnarazova ŭčyniŭ supraćpraŭnyja dziejańni sieksualnaha charaktaru ŭ dačynieńni da mužčyny, jaki spaŭ. Paśla vyzvaleńnia ź miedycynskaha vyćviareźnika mužčyna z metaj paźbiehnuć adkaznaści ŭciok. U studzieni hetaha hoda jon byŭ zatrymany. Ź im pracujuć śledčyja.
U materyjałach spravy jość videazapis učynieńnia złačynstva. Śledstvam dapytany miedycynski piersanał, śviedki i paciarpieły. Praviedzienyja šerah ahladaŭ.
Kančatkovaja pravavaja acenka dziejańniam padazronaha budzie dadzienaja pavodle vynikaŭ analizu atrymanych dokazaŭ. Padazrony źmieščany pad vartu.
