Jak paviedamiŭ BiełaPAN aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ, 23 studzienia supracoŭnikami milicyi ŭ momant zakładki ŭ tajnik skrutka z kurylnaj sumieśsiu byŭ zatrymany 18-hadovy niepracujučy minčanin.
Śledča-apieratyŭnaja hrupa, jakaja prybyła na miesca złačynstva, znajšła na techničnym paviersie žyłoha doma ŭ Frunzienskim rajonie, dzie byŭ zatrymany małady čałaviek, 27 kantejnieraŭ z kurylnaj sumieśsiu ahulnaj masaj bolš jak 240 hramaŭ.
Na dopycie zatrymany pryznaŭsia śledčym, što chacieŭ zarabić i dziejničaŭ u intaresach uładalnikaŭ adnaho ź internet-mahazinaŭ. Jon atrymlivaŭ ad «rabotadaŭcaŭ» psichatropnyja rečyvy i na asnovie tytuniu vyrablaŭ zabaronienyja kurylnyja sumiesi. Sfarmiravanyja drobnaaptovyja partyi z zamoŭlenaj kolkaściu doz pakidaŭ u zahadzia ahavoranych miescach. Raźliki ažyćciaŭlalisia praz elektronnyja kašalki.
Ustanoŭlena, što vyrab spajsaŭ byŭ naładžany ŭ arandavanym haražy. Znojdzienyja tam padčas vobysku aksiesuary, što vykarystoŭvalisia ŭ złačynnych metach, a taksama inšyja rečavyja dokazy adpraŭleny na ekśpiertyzu.
Zatym u vyniku sumiesnych mierapryjemstvaŭ śledčych i supracoŭnikaŭ padraździaleńniaŭ pa narkakantroli byŭ ustanoŭleny jašče adzin tajnik na terytoryi budoŭli ŭ pryvatnym siektary. Padazrony zachoŭvaŭ tam bolš jak 600 hramaŭ hatovaj da ŭžyvańnia kurylnaj sumiesi.
Frunzienskim (Minska) rajonnym adździełam SK raspačata kryminalnaja sprava. Zatrymanamu vystaŭlena abvinavačvańnie, da jaho prymieniena miera strymańnia ŭ vyhladzie ŭziaćcia pad vartu.
