Delfi.lt
Jeŭropa pavinna zasvoić uroki historyi i nie dapuścić źjaŭleńnia novych ahresaraŭ, jakich sioj-toj nie žadaje zaŭvažać, skazała litoŭski prezident Dala Hrybaŭskajcie ŭ dzień pamiaci achviar Chałakostu.
Kiraŭnik dziaržavy skazała, što i ŭ siońniašniaj Jeŭropie jana bačyć paraleli z histaryčnymi padziejami pieršaj pałovy minułaha stahodździa, z uzdymam hitleryzmu - papuščalnictva abo ihnaravańnie, jakija tady dazvolili ahresaru zamacavać režym.
«Na žal, i siońnia ŭ Jeŭropie my možam nazirać paraleli, kali sioj-toj nie žadaje zaŭvažać ahresara, cicha zastavacca abyjakavym abo ihnaravać toje, što zaraz pačynajecca ŭ Jeŭropie i śviecie.
U nas vielizarny mižnarodny teraryzm, udalečyni ad miežaŭ Litvy, a zblizku my nazirajem adkrytuju ahresiju susieda suprać susieda. I heta złačynstva suprać čałaviečnaści — ahresija, hvałt, asabliva suprać mirnaha nasielnictva.
Ciapier my bačym, što ŭ vajskovych kanfliktach bolš za ŭsio pakutuje nie vojska, nie uzbrojenyja ludzi, a mienavita cyvilnaje nasielnictva», — skazała Hrybaŭskajcie ŭ intervju Litoŭskamu radyjo ŭ aŭtorak.
