Za minułyja sutki terarysty «ŁNR» praviali 44 abstreły, dva miascovych žychara zahinuli.
Bajeviki prymianiali artyleryju, sistemy załpavaha ahniu «Hrad», minamioty, tanki, pieradaje aficyjny sajt kiraŭnika Łuhanskaj vobłaści Hienadzia Maskala.
U pasiołku Troickaje ad vybuchu minamiotnaj miny, vypuščanaj kazakami tak zvanaha «Usievialikaha vojska danskoha», zahinuŭ 58-hadovy mužčyna.
U Papasnaj ad askiepkaŭ reaktyŭnaha snarada z «Hradu» śmiarotnyja ranieńni atrymaŭ 50-hadovy miascovy žychar.
Pa stanie na 11.00 niadzieli ŭ tradycyjna haračych kropkach vobłaści adnosna spakojna.
«Poŭnaha zacišša niama, adnak intensiŭnaść abstrełaŭ źmienšyłasia. Pryčyna, chutčej za ŭsio, husty tuman», — dadaŭ Maskal.
0
0
0
0
0
0