Ministerstva zamiežnych spraŭ Łatvii kateharyčna asudžaje novuju eskałacyju kanfliktu na ŭschodzie Ukrainy i zaklikaje Jeŭrapiejski Sajuz da sklikańnia pazačarhovaha pasiadžeńnia Rady ministraŭ pa zamiežnych spravach.
«Stanovicca ŭsio bolš vidavočnym, što napad pramaskoŭskich terarystyčnych hrupovak na Maryupal i inšyja miescy na ŭschodzie Ukrainy, biesčałaviečnyja i cyničnyja dziejańni suprać cyvilnaha nasielnictva, całkam paćviardžajuć toj fakt, što Rasija nie zacikaŭlenaja ŭ mirnym urehulavańni kanfliktu», — havorycca ŭ paviedamleńni.
Adznačajecca taksama, što prapanavanyja Rasijaj «mirnyja inicyjatyvy» i ŭdzieł u šmatbakovych pieramovach, vierahodna, słužyli tolki maskaj i imitacyjaj dziejnaści.
U viedamstvie padkreślivajuć, što arhanizatary ahresii pavinny ŭśviedamlać, što mižnarodnaja supolnaść rašuča i žorstka adreahuje na dalejšaje abvastreńnie kanfliktu.
Čakajecca, što hetyja padziei buduć abmiarkoŭvacca Savietam biaśpieki AAN. U suviazi z hetym Łatvija zaklikaje terminova sklikać pazačarhovaje pasiadžeńnie Rady ministraŭ ES pa zamiežnych spravach.
