Žanr: tryler, drama
Režysior: Rupiert Uajt
U rolach: Mark Uołbierh, Džon Hudman, Bry Łarsan, Majkł Kieniet Uiljams, Džesika Łenh, Hryfin Kliŭlend, Amar Lejva
ZŠA, 111 chv.
Džym Bieniet udzień hienijalny piśmieńnik i vydatny vykładčyk, a nočču — apantany hulec.
Jon hłyboka zachras u śviecie, dzie zakon — pusty huk, i adnojčy stavić na kon usio, uklučajučy ŭłasnaje žyćcio i žyćcio svaich blizkich. Tyja, kamu jon vinien, niebiaśpiečnyja kryminalnyja bosy, ale dapamahčy jamu moža tolki toj, chto jašče bolš niebiaśpiečny.
Rymejk adnajmiennaj stužki (1974, režysior Kareł Rejš) raskazvaje faktyčna tuju ž historyju, što i aryhinał: dvajnoje žyćcio padsieŭšaha na ryzyku hieroja, źmienienyja tolki imiony.
Imknučysia vyrašyć ułasnyja kanflikty hieroj chodzić pa krai, prydumlajučy roznyja kambinacyi, kab zastacca ŭ žyvych.
Stužka atrymałasia zaciahnutaja, a hieroi naŭrad ci vyhladajuć pierakanaŭča, choć peŭnaja atmaśfiera prysutničaje. Siužet moh być novym i cikaviejšym ŭ 70-ch, ale ciapier vyhladaje druhasnym i niedastatkova abhruntavanym.
