Na svaim učastku dziaržaŭnaj miažy Biełaruś nie dazvolić zachodnim krainam błakavać Rasiju. Takuju «svaju pazicyju ŭ dačynieńni da sankcyj suprać Rasii z boku zachodnich krain» u intervju rasijskamu časopisu BOCS vykazaŭ były pamočnik kiraŭnika Biełarusi, a siońnia hiendyrektar chołdynhu «Amkador» Siarhiej Tkačoŭ.
«Ale na zachodnich rubiažach Rasii stajaŭ i budzie zaŭsiody stajać braterski joj narod. Tamu prynamsi poŭnaha akružeńnia i błakady dasiahnuć nie zdolejuć. Budzie mocnaj Rasija — našym narodam budzie lahčej i biaśpiečniej», — zajaviŭ Tkačoŭ.
Jon zaŭsiody byŭ pierakanany: «na źmienu infantylnym maram ab rajskim Zachadzie pryjdzie realnaje pra jaho ŭjaŭleńnie, pryjdzie adčuvańnie nieprymańnia čužoha ładu žyćcia, čužoj kultury i žadańnie žyć u areole svajoj kultury i pa svaich praviłach».
«My zrazumiejem usiu nadumanaść naviazanaj Zachadam rytoryki ab demakratyi i svabodzie biez najmienšaha tłumačeńnia jakoha-niebudź kankretnaha ich napaŭnieńnia i źmiestu. Zrazumiejem my i toje, što lubaja sastupka Zachadu — sihnał dla novaha cisku.
Tamu adkazam na sankcyi nie mohuć być sastupki. Dy heta i bieskaryśliva. Zachad zadavolić tolki pasłableńnie Rasii», — skazaŭ były pamočnik Alaksandra Łukašenki pa ekanamičnych pytańniach.
Siarhiej Tkačoŭ nie vieryć, što ciapierašnija sankcyi suprać Rasii źviazanyja z Ukrainaj. «Heta nie hałoŭnaja pryčyna. Meta — prasunuć da našych miežaŭ aljans (NATA) i, pierš za ŭsio, asłabić Rasiju.
Ale Rasija nikoli nie pavinna adychodzić ad svaich stratehičnych intaresaŭ. Zaraz heta stała asabliva jasna jak nikoli», — miarkuje Tkačoŭ.
«Adkaz na sankcyi moža być tolki adzin: biez mocnaj, pramysłova raźvitaj Rasii ni na jeŭrapiejskaj prastory, ni ŭ suśvietnym nie budzie ni miru, ni spakoju. Umacavańnie Rasii dabratvorna adabjecca na ŭsioj płaniecie. Mnohija heta ŭžo pačali razumieć. Tak, kinuty Rasii hieapalityčny vyklik davodzicca joj prymać u peŭnaj stupieni sasłablenaj (pierš za ŭsio ŭ paraŭnańni z patencyjałam SSSR). Heta pa-pieršaje.
Pa-druhoje, uchilicca ad vykliku joj nielha, to jość situacyja anałahičnaja toj, ź jakoj my sutyknulisia ŭ pačatku 30-ch — treba pryniać vyklik i zhurtavacca, kab hodna adkazać», — dadaŭ jon.
Tkačovu kryŭdna bačyć toje, što robicca va Ukrainie.
«Ale ŭsio ž vieru ŭ toje, što ruski duch i ŭ cełym naš ahulny słavianski duch prajaviać svaju siłu i svaju moc. Biełarusu i ruskamu niama čaho dzialić.
I na svaim učastku dziaržmiažy błakavać Rasiju nie damo. My — braty i pavinny razam stajać ścianoj: adstupać dalej niama kudy», — adznačyŭ top-mieniedžar «Amkadora».
Siarhiej Tkačoŭ zaklikaje «spynić ździekavacca nad našym ahulnym savieckim minułym, što stała pavalnym biedstvam ŭ apošnija dziesiacihodździ».
«Jano, uklučajučy, pierš za ŭsio, Vialikuju Ajčynnuju vajnu, źjaŭlajecca dla našych narodaŭ asnoŭnym histaryčnym «abručom», cemientuje adnosiny. My dažartujemsia z ułasnaj historyi da taho, što i nie zaŭvažym, jak razvalili Saviecki Sajuz, Varšaŭskuju damovu i SEU. Navat hetaha akazałasia mała. Nie zrabili vysnoŭ, znoŭ adhuknułasia», — skazaŭ eks-pamočnik.
Jon ličyć, što «kryvavy» chaos va Ukrainie maje tyja ž karani: «pačali sa znosu savieckich pomnikaŭ i hieraizacyi zdradnikaŭ i kałabarantaŭ».
«Ci nie na hetaj hlebie stvaralisia ŭmovy i padšturchoŭvalisia antyrasijskija nastroi va ŭkrainskim hramadstvie? Dahulalisia da hetaj niaprostaj situacyi z nackoŭvańniem adzin na adnaho brackich narodaŭ», — padkreśliŭ Tkačoŭ.
Pavodle jaho słoŭ, «situacyja daviedzienaja da taho, što, na žal, u nas i ŭ samoj Rasii našu brackuju družbu nieabchodna adkryta abaraniać i adstojvać pierš za ŭsio ad skłaŭsia chaj i mienšaści, ale ahresiŭnaj mienšaści».
«Hetyja siły naohuł nie tolki i nie prosta nie prymajuć našych adnosin, ale i vajaŭniča vystupajuć suprać ich raźvićcia, maŭlaŭ, nadakučyli vy sa svaim «brackim siabroŭstvam», adnosiny mohuć i pavinny budavacca tolki na rynkavych asnovach. Inšaja dla ich nieprymalna. Ale i nam nielha maŭčać», — reziumavaŭ Siarhiej Tkačoŭ.
