fota padazravanaha, sk.gov.by
«Śledčyja pracujuć na miescy razbojnaha napadu na juvielirnuju kramu ŭ centry Minska. Pracaj śledčaj hrupy kiruje načalnik USK pa h.Minsku Dźmitryj Kanaplanik. Ab chodzie raboty budziem infarmavać», — napisała ŭ svaim fejsbuku aficyjny pradstaŭnik Śledčaha kamiteta Julija Hančarova.
sk.gov.by
Jak paviedamlaje pres-słužba minskaj milicyi, pravaachoŭnymi orhanami vyśviatlajecca asoba mužčyny, jaki pryčyniŭ jak miarkujecca nažavoje ranieńnie pradaŭcu sałona «Ziko» u Minsku.
20 studzienia kala 17.00 pradaviec sałona zaŭvažyŭ, jak adzin z naviedvalnikaŭ sprabuje vykraści juvielirnyja vyraby. Jon pasprabavaŭ pieraškodzić hetamu. U vyniku bojki nieviadomy nanios pradaŭcu mierkavana nažavoje ranieńnie, paśla čaho źbieh.
U ciapierašni čas asoba złamyśnika ustaloŭvajecca. Na miescy pracuje śledča-apieratyŭnaja hrupa. Zaviedziena kryminalnaja sprava.
sk.gov.by
Na vyhlad złamyśniku 25—27 hadoŭ, rost 170—175 sm. Byŭ apranuty: čornaja šapka, čornaja karotkaja kurtka, śvietła-sinija džynsy, krasoŭki sa śvietłaj padešvaj, pry sabie mieŭ ciomny zaplečnik.
