Były daradca prezidenta Rasii Uładzimira Pucina Andrej Iłaryjonaŭ u intervju litoŭskamu telekanału LNK zakranuŭ temu Biełarusi i Alaksandra Łukašenki.
Prezident Łukašenka – samastojny lidar ci maryjanietka Rasii? Hetak papytaŭsia ŭ Iłaryjonava žurnalist Tomas Dapkus.
«Nie, zvyčajna jon całkam samastojny lidar, niahladziačy na toje, što Rasija vydaje vialikuju kolkaść subsidyj, datacyj biełaruskaj ekanomicy, ale jon całkam samastojnaja asoba, jakaja ciapier vielmi baicca mahčymaha raźvićcia situacyi.
Jon cudoŭna razumieje, što moža stacca ŭ tym vypadku, kali pačniecca nastupny etap hetaj vajny i dziejańni buduć pieraniesienyja ŭžo na terytoryju Biełarusi, kab ustalavać kantrol nad Biełaruśsiu. Pakul hetaha jašče ŭ takich vialikich maštabach nie adbyvałasia. Ale čamu tak nie moža stacca?» – zadajecca pytańniem Iłaryjonaŭ.
Jon nazyvaje dataj pačatku ŭkrainska-ruskaj vajny 27 lipienia 2013 hoda. «Padčas śviatkavańnia 1025-hodździa chryščeńnia Rusi ŭ Kijevie Pucin skazaŭ, što niama takich narodaŭ, jak ukraincy i biełarusy, jość adzin ruski narod. Heta pačatak vajny za stvareńnie «ruskaha miru» ź likvidacyjaj nacyjanalnych dziaržavaŭ Biełarusi i Ukrainy».
