Hurt Pertti Kurikan Nimipäivät zasnavany pry Chielsinskim sacyjalnym centry dla invalidaŭ piać hadoŭ tamu. U 2012 hodzie ŭdzielniki kalektyvu stali hierojami dakumientalnaha filma «Sindrom panka».
ts.fi
Muzyki pakutujuć na roznyja parušeńni razumovaha raźvićcia, siarod jakich sindrom Dauna.
Ale heta nie pieraškodziła pank-hurtu ŭstupić u baraćbu za pucioŭku na «Jeŭrabačańnie». Pertti Kurikan Nimipäivät uvajšli ŭ lik 18 udzielnikaŭ, jakija ŭ nacyjanalnym adboračnym tury buduć pretendavać na prava pradstavić Finlandyju na «Jeŭrabačańni».
Pieramožcu adboru vybieruć z dapamohaj hladackaha hałasavańnia.
Frontmen kalektyva Piery Kuryk nie chavaje, što asnoŭnaj misijaj pankaŭ na konkursie stanie hučnaja zajava ab pravach ludziej, jakija pakutujuć na hetaje zachvorvańnie.
Pradstaŭniki hurta ŭpeŭnienyja, što vystup kalektyvu na «Jeŭrabačańni» dazvolić usiamu śvietu źviarnuć uvahu na sindrom Dauna i padtrymać novyja sacyjalnyja prahramy dla tych ludziej, jakija, niahledziačy ni na što, nie zakrylisia ŭ sabie, a zajmajucca tvorčaściu.
