U Sankt-Pieciarburhu sud prysudziŭ akciora Alaksieja Panina da aryštu na 10 sutak, paviedamlajuć rasijskija ŚMI.
bigmir.net
Takoje pakarańnie artyst atrymaŭ za drobnaje chulihanstva. Panina zatrymali, kali jon, znachodziačysia ŭ palicejskim učastku, stvaraŭ pieraškody dla prachodu praz pamiaškańnie hramadzianam i pravaachoŭnikam. Akramia taho, akcior hučna vykazvaŭ svaju niezadavolenaść u niecenzurnaj formie i ihnaravaŭ prośby palicejskich pavodzić siabie spakojna.
Panin pryznaŭ siabie vinavatym tolki častkova, adznačyŭšy, što ŭ jaho skrali dačku, tamu jaho stan i pavodziny nie mohuć być spakojnymi.
Niekalki sutak da hetaha Alaksiej Panin pravioŭ na vakzale ŭ Pieciarhofie, čakajučy, što zmoža padpilnavać svaju byłuju žonku i adabrać u jaje dačku, jakuju daŭno nie bačyŭ. Akcior byŭ upeŭnieny, što maci i dziaŭčynka znachodziacca ŭ ofisie jurysta, raźmieščanym niepadalok. Pry hetym pavodziny Panina byli vielmi zadzirlivymi, u vyniku im zacikavilisia pravaachoŭniki.