Jak paviedamili va USK pa Viciebskaj vobłaści, viečaram 11 studzienia ŭ milicyju źviarnuŭsia žychar abłasnoha centra. Mužčyna vyjšaŭ na bałkon i ŭbačyŭ, jak maładyja ludzi sprabujuć skraści mašynu ŭ dvary.
Milicyjanty zatrymali stryječnych bratoŭ 21 i 25 hadoŭ napadpitku. Vyjaviłasia, što braty raźbili škło ŭ piaci aŭtamabilach, kožny sprabavali zavieści, kab skraści. Ale nie atrymałasia.
Na dopycie adzin z chłopcaŭ patłumačyŭ, što mašynu chacieli skraści, kab na joj adpravicca ŭ Čašniki, dzie jon žyvie, — mierkavali tam praciahnuć zastolle.
Zaviedziena kryminalnaja sprava. 25-hadovy brat znachodzicca ŭ izalatary, małodšy — pad chatnim aryštam.
0
0
0
0
0
0
