MKS z borta šatła Atłantys. Fota: NASA
Vykid škodnych rečyvaŭ z achaładžalnaj sistemy ŭ atmaśfieru MKS adbyŭsia 14 studzienia ŭ 11:44. Amierykanski siehmient stancyi całkam izalavany, ekipaž pieramiaściŭsia ŭ rasijski siehmient. Nichto z astranaŭtaŭ nie paciarpieŭ, kancentracyja škodnych prymiesaŭ u atmaśfiery rasijskaha siehmientu ŭ miežach normy.
Adbyŭsia vykid amijaku, udakładniaje RIA Novosti. Dla likvidacyi nastupstvaŭ avaryi moža spatrebicca pazačarhovy vychad u adkryty kosmas.
Biaśpiekaj ekipažu zajmalisia supolna Maskva i Chjustan, ale dalejšyja dziejańni pa ramoncie musiać być vypracavanyja amierykancami, paviedamiŭ načalnik rasijskaha Centru kiravańnia palotami Maksim Maciušyn.
NASA pakul nie paviedamlała ab avaryi. Zdareńnie prakamientavaŭ słavuty kanadski astranaŭt Krys Chetfiłd: «My treniravalisia da hetaha, čalcy kamandy i centr kiravańnia palotami spracavali dobra. Ekipaž u biaśpiecy. Zaraz padrabiazna razhladajem zdareńnie, kab zrazumieć, što adbyłosia i što rabić dalej».
