«Biełaruś rašuča i paśladoŭna asudžaje teraryzm va ŭsich jaho prajavach. Naša kraina budzie pradstaŭlena na maršy ŭ pamiać ab achviarach teraktaŭ, jaki projdzie ŭ Paryžy 11 studzienia, Nadzvyčajnym i Paŭnamocnym Pasłom Biełarusi ŭ Francyi Paŭłam Łatuškam», — paviedamiŭ načalnik upraŭleńnia infarmacyi — pres-sakratar MZS Biełarusi Dźmitryj Mirončyk.
U vyniku teraktaŭ u Francyi za troje sutak ad ruk isłamskich ekstremistaŭ zahinuli 17 čałaviek: 10 supracoŭnikaŭ satyryčnaj haziety Charlie Hebdo, čatyry zakładniki ŭ paryžskaj kramie kašernych praduktaŭ, a taksama troje palicejskich. Niekalki dziesiatkaŭ čałaviek atrymali ranieńni.
Ab svaim namiery pryniać udzieł u paryžskim šeści apaviaścili kiraŭniki šerahu jeŭrapiejskich dziaržaŭ i ŭradaŭ, kiraŭniki mižnarodnych arhanizacyj.