Alaksandr Łukašenka padpisaŭ ukaz № 4 «Ab zaćviardžeńni Pałažeńnia ab paradku ŭzajemadziejańnia apierataraŭ paštovaj suviazi z orhanami, jakija ažyćciaŭlajuć apieratyŭna-vyšukovuju dziejnaść».
Dakumient padrychtavany dla ažyćciaŭleńnia pravavoha rehulavańnia paradku ŭzajemadziejańnia apierataraŭ paštovaj suviazi z pravaachoŭnymi orhanami, paviedamlaje pres-słužba prezidenta.
U pryvatnści, ukazam vyznačajucca abaviazki apierataraŭ paštovaj suviazi «pa stvareńni ŭmoŭ i akazańni sadziejničańnia ŭpaŭnavažanym dziaržaŭnym orhanam u praviadzieńni apieratyŭna-vyšukovych mierapryjemstvaŭ u miežach baraćby sa złačynnaściu».
Taksama ŭstanaŭlivajecca paradak dostupu da baz danych, aŭtamatyzavanych sistem apierataraŭ i infarmacyi, nieabchodnaj pry vykanańni apieratyŭna-vyšukovych zadač. Takim čynam, farmirujucca ŭmovy dla aptymalnaha raźmierkavańnia nahruzki pamiž subjektami apieratyŭna-vyšukovaj dziejnaści, pavyšeńnia stupieni apieratyŭnaści mierapryjemstvaŭ i vykarystańnia pry hetym sučasnych analityčnych mietadaŭ.
Pałažeńnie ab paradku ŭzajemadziejańnia apierataraŭ paštovaj suviazi z orhanami, jakija ažyćciaŭlajuć apieratyŭna-vyšukovuju dziejnaść, nabudzie moc praz try miesiacy paśla aficyjnaha apublikavańnia ŭkaza.
