Isłamskaja partyja Tadžykistana asudziła napad na satyryčny časopis Charlie Hebdo ŭ Paryžy, nazvaŭšy tych, chto napadaŭ, biesčałaviečnymi i žorstkimi.
«Tyja, chto ździejśniŭ hetuju akcyju, prykryvajučysia isłamskimi łozunhami, tolki ačarnili vobraz relihii musulman. Isłam nie maje patreby ŭ takoj abaronie i ŭ takich abaroncach», — havorycca ŭ zajavie Isłamskaj partyi.
Tadžykskija musulmanie ličać pamyłkaj publikacyju karykatur na praroka Muchamieda, adnak zaklikajuć ludziej, čyje relihijnyja pačućci byli abražanyja ich źjaŭleńniem, ustrymlivacca ad ahresii.
«Dziejańni žurnalistaŭ, jakija raźmiaścili karykatury byli pamyłkovyja hetak ža, jak i akcyja ludziej, jakija ŭsčali stralbu. Svaju pravatu dakazvajuć u sudovych orhanach, stroha ŭ ramkach zakona, a nie takimi biesčałaviečnymi i biaźlitasnymi akcyjami», — havorycca ŭ zajavie.
