«Aeraport Danieck, tut sotniam chrabrych sercaŭ nie strašny čort», — śpiavaje nieviadomy śpiavak, klip jakoha, vykanany ŭ kłasičnaj savieckaj «afhanskaj» stylistycy, razychodzicca pa internecie.
Mnohija naziralniki ŭžo ad pačatku ahresii RF suprać Ukrainy adznačali, što z ukrainskaha boku supraćstajać rasijskim bajevikam pierš za ŭsio ŭschodnija ukraincy, jakija vykarystoŭvajuć i rasiejskuju movu, i tradycyjnyja dla postsavieckaj kultury miełodyi i vobrazy.
Aŭtar pieśni «Aeraport Danieck» napisaŭ pa-ukrainsku tolki pieršy kuplet. Astatnija kuplety, pryśviečanyja abaroncam aeraporta imia Siarhieja Prakofjeva, napisanyja na rasiejskaj movie.
«No Prokofjev nie znał, kakaja muzyka zdieś zazvučit,
I kak «braťja» polezut — i budiet ich, kak saranči»,
— śpiavaje bard u kłasičnaj «afhanskaj» maniery savieckaj armii 1980-ch hadoŭ.
Dnieprapiatroŭsk, Charkaŭ, Zaparožža i mnohija inšyja harady, jakija ličylisia «prarasijskimi» jašče na pačatku 2014 hoda, stali čałaviečym, techničnym i maralnym hruntam ukrainskaha supracivu ŭžo viasnoj-letam, i, jak možna sudzić, asensoŭvajuć kanflikt u zvyčajnych dla siabie vobrazach i rytmach.
Zusim vierahodna, što ŭ vypadku «łuhandonskaha» scenaru ŭ Biełarusi, Biełaruś spaznaje anałahičny rasijskamoŭny i saviecka-vobrazny biełaruski nacyjanalizm ź Viciebska, Homiela i Mahilova.
