Paśla sudovaha pasiadžeńnia 6 studzienia nad Dźmitryjem Łukaševičam, jakoha abvinavačvajuć u źbićci Michaiła Piščeŭskaha, siabry i svajaki napali na žurnalistaŭ, prysutnych u zale sudovych pasiedžańniaŭ.
Maci Michaiła Piščeŭskaha Taćciana i jaho siastra Valancina.
Znajomyja Łukaševiča, a taksama jaho siastra z mužam, u hrubaj formie sprabavali spynić sproby žurnalistaŭ sfatahrafavać abvinavačvanaha abo padyści dy pahutaryć ź im. Žurnalistaŭ vyciahvali i vyšturchoŭvali z zały.
Dźmitryj Łukaševič.
Asabliva žorstka dziejničali suprać teleapieratara Alaksandra Barazienki i karespandenta radyjo Svaboda Aleha Hruździłoviča. U Hruździłoviča navat zabrali dyktafon, a potym zakapali ŭ dvary ŭ śniezie.
Nahadajem, što ŭ sudzie Centralnaha rajona razhladajecca sprava Michaiła Piščeŭskaha, jakoha ŭ mai 2014 hoda źbiŭ la načnoha kłuba «Andervorłd» Dźmitryj Łukaševič. Piščeŭski atrymaŭ ciažkuju čerapna-mazhavuju traŭmu.
Paśla abviaščeńnia pierapynku znajomyja i svajaki Łukaševiča hruba zaminali žurnalistam pracavać.
Jamu vydalili kala 20% hałaŭnoha mozhu i ciapier jon bolšuju častku času znachodzicca ŭ biesprytomnym stanie. Miarkujecca, što povadam dla bojki stała abraza seksualnaj aryjentacyi Piščeŭskaha — toj byŭ hiejem.
Pieršapačatkova sud pryznačyŭ Łukaševiču pakarańnie ŭ vyhladzie pazbaŭleńnia voli na termin 2 hady 8 miesiacaŭ pazbaŭleńnia voli i abaviazali vypłacić paciarpiełamu 100 miljonaŭ rubloŭ. Adnak baćki Piščeŭskaha, a taksama prakuratura abskardzili prysud jak zanadta miakki. Papiaredni prysud byŭ admienieny, a sprava pierahladajecca ŭ novym składzie suda.
Žurnalistaŭ sprabavali siłkom vyciahnuć z sudovaj zały.
Siońnia sudździa Choma zasłuchaŭ śviedkaŭ abodvuch bakoŭ. U pracesie abvieščany pierapynak da 14:30 8 studzienia.
