25 śniežnia Naradžeńnie Chrystova adznačyli kataliki, unijaty, pratestanty i bolšaść pravasłaŭnych cerkvaŭ śvietu. Pravasłaŭnyja biełarusy Rastvo śviatkujuć 7 studzienia, bo Ruskaja pravasłaŭnaja carkva trymajecca julijanskaha kalendara.
Voś užo dźvie tysiačy hadoŭ chryścijanie štohod vitajuć prychod u śviet Chrysta. Pierad Rastvom ludzi navodziać čyściniu ŭ dušy i ŭ domie. Vierniki spaviadajucca, kožny čałaviek navodzić paradak udoma.
6 studzienia, na Kućciu, na źmiarkańni ŭ kožnym domie nakryvajuć stoł, za jakim źbirajecca ŭsia siamja.
Rastvo — śviata siamiejnaje, nie šumnaje.
Śviatočny nastroj i pryhožyja, ščyryja pažadańni dabra i ščaścia ŭ pieradśviatočny viečar spałučanyja z pastom. Na stale tradycyjna staviać čym bolš stravaŭ, ale ŭsio tolki tolki posnaje.
Siarod stravaŭ kaniečnie musić być kaša. U starynu heta była kućcia — hruca. Tamu i viečar stali nazyvać «Na Kućciu».
Za stałom raniej zaŭždy pakidali adno svabodnaje miesca na toj vypadak, kali raptam źjavicca niečakany hość. Ci sam Chrystos.
Žmienia siena pad biełym abrusam na śviatočnym stale simvalizuje jaśli, u jakich spaŭ maleńki Isus u Viflejemie.
Čytajuć uryvak ź Jevanhiella pavodle śviatoha Łuki, u jakim apisvajecca naradžeńnie Isusa ŭ Viflejemie.
Paśla viačery ŭsioj siamjoj iduć u carkvu.
Pad kaladnuju jełačku kładuć padarunki.
Zvyčaj prybirać cackami jełku na śviata Božaha Naradžeńnia naradziŭsia ŭ Hiermanii, ale jaho tak palubili dzieci i darosłyja, što jon vielmi chutka raspaŭsiudziŭsia pa ŭsim śviecie.
U Biełarusi jełki pačali ŭpryhožvać u ChVIII stahodździ. Jełka stavicca ŭ našych damach u dzień, pryśviečany Adamu i Jevie, i nahadvaje nam pra rajskaje dreva, a taksama pra dreva žyćcia.
Liturhičny dzień u pravasłaŭnym abradzie pačynajecca ŭviečary. Tamu
viačernia ź Liturhijaj śviatoha Vasila Vialikaha 6 studzienia — śviatočnaja.
Na Liturhii čytajecca Jevanhielle ad Łuki pra naradžeńnie Isusa Chrysta i pakłanieńnie pastuchoŭ.
Cikava, što pratestanty nie nadajuć pieršasnaha značeńnia źniešnim atrybutam Rastva. Tak, naprykład, chryścijanie viery jevanhielskaj nie staviać u svaich chramach jełku, niama ŭ ich admysłovaj viačery nakonadni Rastva.
Na Kalady vitajucca «Chrystos naradziŭsia!» A adkazvać treba «Jaho słavim!».
Uvieś kaladny pieryjad — h.zn. dva tydni paśla Naradžeńnia Chrystovaha, abo Rastva, — heta para zabavaŭ, kaladavańnia. Hetaj paroj śpiavajuć kaladki. Niekatoryja ź ich — sapraŭdnyja šedeŭry biełaruskaj muzyki.
I choć raznaboj hryharyjanskaha i juljanskaha kalendaroŭ, a taksama ŭsieahulnaje adznačeńnie Novaha hoda źmiašała staryja tradycyi, z časam štości ź ich zachavajecca ŭ adrodžanym ci pierarodžanym vyhladzie.
