RUP «Biełaruskaja AES» atrymała licenziju na zbudavańnie druhoha enierhabłoka atamnaj stancyi. Pra heta paviedamili ŭ pres-słužbie MNS.
Rašeńnie ab vydačy ekspłuatujučaj arhanizacyi RUP «Biełaruskaja AES» licenzii na prava zbudavańnia druhoha enierhabłoka pryniata siońnia na pasiadžeńni kalehii MNS.
Pavodle ŭstalavanaj zakanadaŭstvam pracedury była praviedziena ekśpiertyza dakumientaŭ, što abhruntoŭvajuć jadziernuju i radyjacyjnuju biaśpieku. U ramkach hetaj pracy DNU «Abjadnany instytut enierhietyčnych i jadziernych daśledavańniaŭ — Sosny» NAN Biełarusi praviało pravierku paŭnaty abhruntavańniaŭ biaśpieki błoka №2 i adpaviednaści abhruntoŭvajučych dakumientaŭ patrabavańniam zakanadaŭstva Biełarusi i Rasii ŭ halinie vykarystańnia atamnaj enierhii, krynic ianizujučaha vypramieńvańnia, a taksama mižnarodnym rekamiendacyjam.
Akramia hetaha kamisija Dziaržatamnahladu praviała acenku adpaviednaści arhanizacyjnych i techničnych mahčymaściaŭ RUP «Biełaruskaja AES» licenzijnym patrabavańniam i ŭmovam.
Uličvajučy zaklučeńni ab tym, što vybranyja prajektnyja rašeńni pa ŭźviadzieńni błoka №2 Biełaruskaj AES źjaŭlajucca abhruntavanymi z punktu hledžańnia jadziernaj i radyjacyjnaj biaśpieki i zadavalniajuć patrabavańniam narmatyŭnych aktaŭ Biełarusi i Rasii, u adpaviednaści ź jakimi raspracavany prajekt i buduć vykonvacca pracy pa jaho ŭźviadzieńni, a taksama stanoŭčyja vyniki acenki adpaviednaści, pryniata rašeńnie ab vydačy licenzii, jakaja dazvolić prystupić da asnoŭnaha etapu zbudavańni błoka №2 Biełaruskaj AES.
