Rasijanie z humaram reahavali na padzieńnie rasijskaha rubla. Pakul adnyja pisali štodzionnyja vieršyki ŭ Twitter, druhija stvarali dzen-sajty, dzie možna rassłabicca i nazirać za pavolnym, ale niaspynnym padzieńniem kursaŭ i cenaŭ na naftu.
Na sajcie pad nazvaj «Biełaruski dzen. Stabilny i biessensoŭny» karcina bolej aptymistyčnaja. Tak, za siońnia «źmianieńnie kursa biełaruskaha rubla da dołara ZŠA pa vynikach valutnych tarhoŭ» paznačanaje nulom.
Na fonie pakazvajucca kadry biełaruskaj vioski: pole, kurki… Na fonie hučyć muzyka siaredniaviečnaha tanca «Kastarvat» u vykanańni hurta Cornucopia.
Sajt «Biełdzen» maje jak ruskuju, tak i biełaruskuju viersii. U levym vierchnim vuhłu vyśviečvajucca cytaty biełaruskich palitykaŭ pra devalvacyju i kursy valut. Spasyłka «A jak u ich?» viadzie na sajt zenrus.ru.
Pa źviestkach Hoster.by, sajt zarehistravany fizičnaj asobaj 12 śniežnia 2014 hoda.