Staršynia Siejma Łatvii Inara Murnijecie ličyć Rasiju ahresaram, tamu nie płanuje sustrakacca ź jaje pasłom Alaksandram Viešniakovym.
U pieradačy «Ranišniaja panarama» na ŁTB staršynia Siejma zajaviła, što nie moža ŭjavić sabie situacyju, kab jana sustrełasia z rasijskim pasłom.
«Ja Rasiju liču krainaj-ahresaram, tamu nie baču mahčymaści sustrecca z rasijskim pasłom va ŭmovach, kali Ukraina zmahajecca z hetaj dziaržavaj, kali zhadany mnoj ŭschodni susied sprabuje paŭpłyvać na intaresy inšaj dziaržavy, vykarystoŭvajučy infarmacyjnuju vajnu, što ciapier asabliva adčuvajuć Łatvija i žychary našaj krainy», — skazała Murnijecie.
Pasoł Rasii ŭ Łatvii Alaksandr Viešniakoŭ płanuje sustrecca z usimi frakcyjami Siejma, kab abmierkavać dvuchbakovyja adnosiny dziaržaŭ i supracoŭnictva na ŭzroŭni parłamientaŭ.
