44-ch hadovy žychar vioski Višnieva, vyrašyŭšy, što jaho sužycielka jamu zdradžvaje, z reŭnaści padpaliŭ łaźniu, jakaja naležyć Višnieŭskamu laśnictvu.
Zdareńnie adbyłosia jašče ŭ kastryčniku. Pračnuŭšysia ŭviečary, paśla pryniaćcia śpirtnych napojeŭ, vyšejnazvany žychar ubačyŭ, što jaho sužycielki doma niama.
Uspomniŭ, što da taho, jak pačać žyć ź im, žančyna sustrakałasia z rabotnikam lashasa. I ŭ toj momant žycharu Višnieva padałosia, što jana pajšła da jaho, kab zdradzić.
Mužčyna vyrašyŭ, što złović zdradnicu na miescy złačynstva. Prybieh da laśnictva. Tam ubačyŭ, što topicca łaźnia. Nie pahladzieŭšy, chto tam unutry, dla siabie vyrašyŭ, što tam znachodziacca jaho supiernik i niaviernaja siabroŭka.
Źbiehaŭ dadomu, uziaŭ kanistru bienzina, viarnuŭsia da łaźni i padpaliŭ jaje.
Na ščaście, unutry nikoha nie było. Budynak ža zhareŭ całkam.
«Ciapier raŭniŭcu i padpalščyku pahražaje ad 3 da 10 hod», padsumavaŭ śledčy śledčaha kamiteta Vałožynskaha RAUS Siarhiej Łapcik.
