Srodki, jakimi mohuć rasparadžacca staličnyja chatnija haspadarki, u paraŭnańni ź minułym hodam vyraśli bolš čym na čverć. Pa dadzienych Hałoŭnaha statystyčnaha ŭpraŭleńnia Minska, najaŭnyja resursy ŭ studzieni-vieraśni 2014 hoda ŭ raźliku na adnu siamju skłali 10,1 młn rubloŭ.
Kali ž hladzieć na ŭsiu krainu, to siemji ŭ siarednim žyli na bolš ścipłuju sumu ŭ 7,8 młn rubloŭ u miesiac.
Zrazumieła, i traciać minčuki bolš za astatnich. Spažyvieckija vydatki na adnu siamju skłali 7,7 młn rubloŭ u miesiac. Pa krainie hetaja ličba składaje 5,7 młn.
Amal pałova staličnych siemjaŭ (46,6%) majuć u svaim rasparadžeńni bolš za 4 miljony rubloŭ u miesiac na čałavieka. U studzieni-vieraśni minułaha hoda takich siemjaŭ było tolki 27,7%. Biedniakoŭ u stalicy statystyka naličyła zusim niašmat: siemjaŭ, dzie na čałavieka prychodzicca mienš adnaho biudžetu pražytačnaha minimumu (kala 1,3 młn rubloŭ), u Minsku 0,8%. Pa krainie takich — 3,5%.
