Mahutny vybuch prahrymieŭ u ofisnym budynku ŭ centry Adesy, dzie raźmieščany punkt zboru dapamohi dla ŭkrainskaha vojska, paviedamlajuć vidavočcy.
Vybuch adbyŭsia na pieršym paviersie piacipaviarchovaha budynka na rahu Admiralskaha praśpiekta i vulicy Krasnova. U vyniku incydentu nichto nie paciarpieŭ, bo ŭ budynku na toj momant nikoha nie było.
Aktyvist Dalija Sieviaryn, jakaja ŭznačalvaje vałanciorskuju arhanizacyju, paćvierdziła na svajoj staroncy ŭ Facebook, što z-za vybuchu paciarpieŭ ich ofis. Arhanizacyja zajmajecca zboram pradmietaŭ pieršaj nieabchodnaści dla vajskoŭcaŭ u zonie ATA.
Na minułym tydni ŭ Adesie prahrymieŭ vybuch u kramie «Patryjot», dzie pradajecca dziaržaŭnaja simvolika i nacyjanalnaje adzieńnie. Tady taksama nichto nie paciarpieŭ. Pravaachoŭnyja orhany raspačali kryminalnuju spravu pa artykule ab terakcie.
