U Minsku pry DP «Fauna horada» płanujecca adkryćcio haścinicy dla chatnich žyviołaŭ. Pa słovach hienieralnaha dyrektara Minskaj haradskoj žyllovaj haspadarki Vitala Śmirnova, cikavy prajekt staličnyja ŭłady źbirajucca ažyćciavić da leta 2015 hoda.
Haścinica dla kotak i sabak budzie ŭklučać 72 valjery. U joj možna budzie pakinuć svajho čatyrochnohaha siabra na čas adsutnaści ŭ horadzie.
Dla klijentaŭ buduć stvoranyja ŭsie nieabchodnyja ŭmovy i pradastaŭlenyja dadatkovyja pasłuhi: vieterynar, cyrulnia, krama z tavarami dla hadavancaŭ.
Kompleks budzie mieć i «VIP-numary» z aciapleńniem i navat asobnym vychadam na vyhuł parodzistych sabak.
Charčavacca žyvioła budzie abo miascovaj ježaj, abo pryviezienym haspadarom kormam. Klijenty mohuć pryvozić i pakidać žyvioł pry ŭmovie, što hadavancy zdarovyja i pryščeplenyja.
Realizacyju padobnaha prajekta staličnyja ŭłady sprabujuć ažyćciavić z 2010 hoda. U dvuchmiljonnym horadzie takoha bujnoha abjekta pakul niama. Adnak šerah staličnych pradprymalnikaŭ užo akazvaje pasłuhi pa pieratrymcy i dohladu za žyviołami ŭ chatnich umovach. Zvyčajna sutki prybyvańnia žyvioły ŭ chatnich umovach kaštuje kala $5-10, karmleńnie — $2-2,5. Kali ŭ vas sabaka bajcoŭskaj parody, to ŭ pieratrymcy mohuć admović.
