Cana nafty marki Brent na fjučersnaj biržy ICE apuściłasia nižej 66 dalaraŭ za barel, śviedčać źviestki biržy.
Pa stanie na 19:54 msk košt fjučersaŭ na paŭnočnamorskuju naftu Brent źniziłasia na 4,57% da 65,94 dalara za barel. Studzieńskija fjučersy na lohkuju naftu WTI ŭpali na 4,17% — da $63,20 za barel, piša lenta.ru.
Cikava, što, jak nahadvaje siońnia KP u Biełarusi, biudžet Biełarusi na nastupny hod byŭ zaprahramavany z raźliku, što nafta ŭ nastupnym hodzie budzie kaštavać 83 dalary za barel, a dalar u Rasii — 43 rubli.
Siońnia na tarhach u Maskvie, dalar dasiahnuŭ uzroŭniu 53,675 rasijskaha. U spravazdačy analitykaŭ Raiffeisen Research, apublikavanym RBK Quote, adznačajecca, što ŭ karotkaterminovaj pierśpiektyvie rasijski rubiel moža patańnieć da 60 rub. za dalar. U druhim paŭhodździ 2015 h. analityki RR prahnazujuć mahčymy rost rubla, bo čakajecca rost cenaŭ na naftu vyšej 85 dalaraŭ.
