Trubetskoy upieršyniu vystupić u Biełarusi na ŭručeńni premii «Dajom Rady» Štohadovaja muzyčnaja premija Jeŭraradyjo adbudziecca 13 lutaha ŭ kłubie Re:Public. Kalektyŭ Paŭła Bułatnikava stanie chedłajnieram viečara.
Cyrymonija ŭručeńnia treciaj muzyčnaj premii «Dajom rady» i vialiki kancert adbuducca 13 lutaha ŭ staličnym kłubie Re:Public (pačatak u 18 hadzin). Najlepšyja biełaruskija hurty 2014 hoda pa viersii redakcyi Jeŭraradyjo buduć uznaharodžanyja ŭ naminacyjach «Debiut», «Klip», «Sinhł», «Fiestyval», «Solny vykanaŭca», «Albom», «Hurt» dy šerahu žartaŭlivych naminacyj. Tradycyjna pieramožcy vyznačajucca ŭnutranym hałasavańniem žurnalistaŭ Jeŭraradyjo.
Chedłajnieram kancerta sioleta stanie hurt Trubetskoy. Imiony inšych udzielnikaŭ buduć ahučvacca pastupova.
Pieramožcami «Dajom rady» ŭ minułyja hady stanavilisia Akute, Yellow Brick Road, «Daj Darohu!», Źmicier Vajciuškievič, :B:N:, «Lapis Trubiacki».
