Mytnyja orhany spynili sprobu niezakonnaha pravozu praź biełaruskuju miažu dvaccaci ton bananaŭ, sotniaŭ litraŭ śpirtu i amal paŭtysiačy pačkaŭ cyharet.
Ruch hruzavoha transpartnaha srodku, u jakim pieramiaščaŭsia tavar «banany śviežyja» u kolkaści 20 ton, pry pieramiaščeńni z terytoryi Rasii ŭ Respubliku Biełaruś byŭ prypynieny 5 śniežnia ŭ chodzie praviadzieńnia śpiecyjalnaha mytnaha mierapryjemstva słužbovymi asobami Viciebskaj mytni ŭ rajonie vioski Juchavičy Rasonskaha rajona. Mašynu nakiravali dla praviadzieńnia fitasanitarnaha kantrolu padkarancinnaj pradukcyi.
U chodzie pravierki było vyjaŭlena nieadpaviednaść etykietak na skrynkach z nazvanymi ŭ transpartnych (pieravozačnych) dakumientach źviestkami. U suviazi z hetym było zahadana viartańnie hruzu na terytoryju Rasijskaj Fiederacyi.
Taksama byŭ spynieny mikraaŭtobus pad kiravańniem rasijanina. U mašynie, jak vyśvietliłasia, pieravozilisia 400 litraŭ etyłavaha śpirtu i 490 pačkaŭ rasijskich cyharet.