fota vykarystana ŭ jakaści ilustracyi
Zaniatki ŭ siaredniaj škole №127 (vuł. Bieruta, 12) byli spynienyja z 1 śniežnia ŭ suviazi z vyjaŭleńniem raskolin u ścienach budynka, paviedamlajuć Minsk-naviny.
Raniej, u vieraśni, byli admienienyja navučalnyja zaniatki pa fizkultury ŭ spartyŭnaj zale. Tut prahnulisia plity pierakryćcia. Zaniatki pa fizkultury pravodzilisia ŭ bližejšych ustanovach adukacyi.
Navučency škoły № 127 praciahvajuć navučalnyja zaniatki ŭ troch ustanovach adukacyi: siarednich škołach № 7, 96, 99.
Pra heta «Minsk-navinam» paviedamiła načalnik upraŭleńnia adukacyi, sportu i turyzmu administracyi Frunzienskaha rajona Iryna Čarniaŭskaja.
«Na bazie hetych škoł dla vučniaŭ u poŭnym abjomie buduć arhanizavanyja navučalnyja i fakultatyŭnyja zaniatki, hurtki i siekcyi, praca hrup padoŭžanaha dnia», — adznačyła I. Čarniaŭskaja. — Praviadzieńnie zaniatkaŭ pa pracoŭnym navučańni, chimii, fizicy, bijałohii, infarmatycy i zamiežnych movach praduhledžana ŭ śpiecyjalna abstalavanych kabinietach. Dla zabieśpiačeńnia navučencaŭ i piedahohaŭ navučalnymi dapamožnikami, mastackaj i mietadyčnaj litaraturaj biblijateka siaredniaj škoły №127 budzie funkcyjanavać na bazie 96-j škoły. Charčavańnie vučniaŭ budzie zabiaśpiečana charčabłokami prymajučych bakoŭ.