Raźmiaščeńnie ŭ krainach Bałtyi i Polščy 150 dadatkovych adzinak braniatechniki ZŠA nie źviazana ź situacyjaj va Ukrainie.
Pra heta zajaviŭ padpałkoŭnik armii ZŠA Elejn Konuej.
«Heta źviazana z apieracyjaj «Atłantyčnaja rašučaść», jakaja budzie iści na praciahu 2015 hoda. My šukajem lepšy varyjant zabieśpiačeńnia apieracyi ŭ budučyni», — zajaviŭ Konuej, adkazvajučy na pytańnie ab naroščvańni amierykanskaj prysutnaści ŭ Estonii, Łatvii, Litvie i Polščy.
Paviedamleńnie ab apieracyi «Atłantyčnaja rašučaść» (Atlantic Resolve) źjaviłasia na sajcie ministerstva abarony ZŠA 14 maja 2014 hoda.
U im u pryvatnaści havorycca: «Złučanyja Štaty demanstrujuć svaju niaŭchilnuju prychilnaść abaviazacielstvam pa kalektyŭnaj biaśpiecy. Dla hetaha budzie praviedzieny šerah vučeńniaŭ, pryznačanych, kab zapeŭnić sajuźnikaŭ pa NATA i partnioraŭ u imknieńni harantavać mir i stabilnaść u rehijonie — u śviatle interviencyi Rasii va Ukrainu».
Takim čynam, nasupierak słovam Konuejia paviedamleńnie na aficyjnym sajcie amierykanskaha vajennaha viedamstva prama ŭviazvaje apieracyju «Atłantyčnaja rašučaść» z tym, što adbyvajecca va Ukrainie.
Raniej hienierał-lejtenant armii ZŠA Ben Chodžies paviedamlaŭ, što na ŭschodnich rubiažach aljansu da 2015 hoda buduć raźmieščany kala 150 tankaŭ i bronietransparcioraŭ, ź ich 50 adzinak techniki ŭžo dastaŭleny. Jašče kala sotni tankaŭ M1 Abrams i BMP Bradley buduć raźmieščany ŭ bližejšy čas.
