ZŠA pieradali ŭkrainskim vajskoŭcam pieršyja try radarnyja sistemy, jakija zdolnyja vyličvać pazicyi varožych artyleryjskich i minamiotnych batarejaŭ, paviedamiŭ pradstaŭnik Pientahona Styŭ Uoren u piatnicu.
Jačše 17 anałahičnych lehkich radarnych kompleksaŭ buduć adpraŭlenyja ŭ bližejšyja niekalki tydniaŭ.
Taksama Vašynhton płanuje nakiravać z zapasaŭ svajoj armii vajskovyja džypy Humvee ŭ ramkach pavialičeńnia prahramy dapamohi Ukrainie.
Aficyjna nie paviedamlałasia, jakija kankretna radarnyja sistemy adpraŭlajucca va Ukrainu, ale možna mierkavać, što heta AN/TPQ-36 Firefinder ci ich anałah, jakija dastatkova kampaktnyja i standartna pieravoziacca džypami Humvee.
Jany zdolnyja «bačyć» varožyja artyleryjskija i minamiotnyja pazicyi na adlehłaści da 18 km.
Taksama heta mohuć być jašče bolš lohkija radary AN/TPQ-48, jakija pa častkach mohuć pieranasicca navat piechacincami i dziejničajuć n 10,2 km.
Raniej na terytoryjach pad kantrolem rasiejskich bajavikoŭ byli zaŭvažanyja rasiejskija artyleryjskija radary.
ZŠA ličać, što ŭkrainskaja armija maje dastatkova bajavoj zbroi, kab supraćstajać prarasijskim bajevikam.
Amerykanskija dziaržaŭnyja ekśpierty miarkujuć, što ich dapamoha musić likvidavać samyja vidavočnyja prablemy, jakija majuć ukrainskija vajskoŭcy — najpierš u halinie sistemaŭ raźviedki i suviazi, transpartu, miedycynskaha zabieśpiačeńnia, padrychtoŭki aficeraŭ i padaficeraŭ.
