Na «Śpieŭnym schodzie» ŭdzielniki paznajomiacca z muzykaj XVII st. Buduć prasapiavany staradaŭnija muzyčnyja sšytki: Połacki, Aršanski, sšytak «Kuranty». Da vykanańnia niekatorych kantaŭ (pieśni) udzielniki zmohuć dałučycca. Dapamoža ŭ hetym ansambl «Kantabile».
Raniej ličyłasia, što biełaruskaja prafiesijnaja muzyka zaradziłasia ŭ XX st. Ale znachodki «Połackaha sšytka», zatym — Aršanskaha, rukapisa «Kuranty», inšych materyjałaŭ adkryli dla biełarusaŭ śviet staradaŭniaj ajčynnaj muzyki. «Połacki sšytak» byŭ znojdzieny ŭ Jahiełonskaj biblijatecy ŭ 1961 hodzie litaraturaznaŭcam Adamam Maldzisam. U pieraplocie daŭniejšaha ŭnijackaha trebnika, pryviezienaha z Połacka, byli schavany skrutki z notnymi zapisami. Noty rasšyfravali, i «Połacki sšytak» byŭ vydadzieny ŭ 1970 hodzie. Jon uklučaje ŭ siabie 200 kanconaŭ i tancaŭ epochi Reniesansu i rańniaha Baroka.
«Aršanski sšytak» — heta zbornik vieršaŭ XVII st. Muzyku i vieršy z dvuch zbornikaŭ abjadnali, i ŭ vyniku kantaminacyi atrymałasia 12 vydatnych kanconaŭ.
«Kuranty» — zbornik biełaruskaj, polskaj i ŭkrainskaj muzyki, znojdzieny ŭ Sałtykoŭskaj biblijatecy Sankt-Pieciarburha. Datujecca 1733 hodam. Bolšaść tekstaŭ «Kurantaŭ» maje biełaruskaje pachodžańnie.
Staradaŭnija pieśni śpiavać nie składana: prychodźcie — i pasprabujcie! Razam pahłybimsia ŭ jeŭrapiejskuju tradycyju muzyki na našaj ziamli.
Padpisacca na staronki Schodaŭ vy možacie ŭ Facebook abo Ukantakcie. Tam ža jość videa i teksty piesień.
