Ministr ekanomiki Mikałaj Snapkoŭ, staršynia Minskaha staličnaha sajuza pradprymalnikaŭ i pracadaŭcaŭ Uładzimir Karahin, hienieralny dyrektar Biznes-škoły IPM Pavieł Danejka.
Danejka enierhična dyskutavaŭ sa Snapkovym.
Snapkoŭ pierahavaryŭ i z Karahinym.
Pavieł Danejka byŭ u centry ŭvahi.
Vystupaje ministr ekanomiki Mikałaj Snapkoŭ.
Taćciana Marynič, kiraŭnica hrupy kampanij BELBIZ.
Brus Bakneł, pasoł Jaje Vialikaści.
Skot Rołand, časovy pavierany ŭ spravach ZŠA ŭ Biełarusi.
U staličnym hateli «Reniesans» adbyłosia adkryćcio Suśvietnaha tydnia pradprymalnictva ŭ Biełarusi. Sa svaimi vystupami da prysutnych źviarnulisia Taćciana Marynič — kiraŭnik hrupy kampanij BELBIZ, Brus Bakneł — pasoł Vialikaj Brytanii ŭ Biełarusi, Skot Rołand — časovy pavierany ŭ spravach ZŠA ŭ Biełarusi.
Udzieł zamiežnych dypłamataŭ byŭ roznabakovy. Hienieralny partnior Suśvietnaha tydnia pradprymalnictva (Global Enterpreneurship Week, GEW) u Biełarusi — Ahienctva ZŠA pa mižnarodnym raźvićci.
Arhanizatarami vystupili hrupa kampanij BEL.BIZ, Ahienctva «Biźnies-naviny» Doingbusiness.by i Respublikanskaja Kanfiederacyja pradprymalnictva.
Na Forumie płanujecca abmierkavać pytańni pabudovy pradprymalnickaj ekanomiki, finansavańnia małoha i siaredniaha biźniesu, raźvićcia inavacyjnych praduktaŭ i liderstva.
Biełaruś dałučyłasia da Suśvietnaha tydnia pradprymalnictva (GEW) u čaćviorty raz. Ahułam jon prachodzić 17—23 listapada ŭ 150 krainach. Na praciahu hetaha tydnia ŭ Minsku adbudziecca bolš za 30 mierapryjemstvaŭ, u jakich voźmuć udzieł pradprymalniki, lidary biźniesu, mižnarodnyja ekśpierty, dypłamaty, pradstaŭniki finansavych instytutaŭ, biźnies-sajuzaŭ, uładaŭ. Biełaruskija i zamiežnyja ekśpierty praviaduć majstar-kłasy, treninhi i kanfierencyi, pryśviečanyja liderstva i kiravańni piersanałam, schiemach pryciahnieńnia klijentaŭ, technałohijach prasoŭvańnia brenda, biźnies-etykietu i šmat čamu inšamu. Poŭnuju prahramu tydnia možna pabačyć tut.
