Rasijskich marakoŭ, jakija prachodziać u francuzskim horadzie Sen-Nazer navučańnie kiravańniu «Mistralem», z 17 listapada nie puskajuć na bort viertalotanosca «Uładzivastok», paviedamlaje vydańnie Ouest-France sa spasyłkaj na svaje krynicy.
Pavodle infarmacyi ŚMI, heta rašeńnie było pryniata ŭładami Francyi, adnak u ministerstvie abarony krainy aficyjna zajaŭlajuć, što im ničoha pra heta nie viadoma. Akramia taho, nijakich śpiecyjalnych mier, jakija b dazvalali prasačyć za vykanańniem zabarony, nie pradprymajecca.
Z 30 červienia ŭ Sen-Nazere znachodziacca 550 rasijskich marakoŭ: 400 čałaviek prachodziać navučańnie na karabli «Uładzivastok», 150 — składajuć ekipaž navučalnaha karabla «Smolny», na jakim maraki prybyli ŭ Francyju. U vieraśni «Uładzivastok» ździejśniŭ dva navučalnyja vychady ŭ mora. Kožny ź ich doŭžyŭsia kala 10 dzion.
Kantrakt na budaŭnictva dźviuch viertalotanoscaŭ typu «Mistral» koštam 2 miljardy jeŭra byŭ zaklučany ŭ červieni 2011 hoda pamiž «Rasabaronekspart» i francuzskaj kampanijaj DCNS. Pa ŭmovach data zdačy pieršaha karabla — 1 listapada 2014, adnak terminy pa ŭzhadnieńni bakoŭ mohuć być ssunutyja z-za kanfliktu va Ukrainie.
