Na siońnia ŭ mnohich krainach chapaje zakinutych architekturnych abjektaŭ. Nie vyklučeńnie i stalica Hiermanii. Šmat pabudoŭ, jakija zastalisia biez haspadaroŭ u časy isnavańnia Bierlinskaha mura, ciapier sustrakajuć redkich naviedvalnikaŭ sumnym vidam. Asablivuju ŭvahu pryciahvaje Stadyjon BVG u Bierlinie, jaki maje słaŭnuju historyju, a ciapier źjaŭlajecca tolki miescam pryciahnieńnia amataraŭ post-indastryału i zakinutych pabudovaŭ.
Stadyjon BVG ŭ Bierlinie byŭ pabudavany ŭ 1920 hodzie i ŭ pieršuju čarhu vykarystoŭvaŭsia rabočymi tramvajnaj stancyi Lichtenbierh, jakaja znachodziłasia pobač. Heta i dało jamu mianušku «Straßenbahnerplatz» (pole tramvajščykaŭ). Kali ŭ 1928 była zasnavanaja BVG (Bierlinskaja Transpartnaja Kampanija), prava ŭłasnaści stadyjonam było pieradadzienaje joj. Z taho času hety abjekt staŭ viadomym jak Stadyjon BVG (albo BVB).
U tym ža hodzie na terytoryi, prylehłaj da stadyjona z poŭnačy, byŭ pabudavany basiejn płoščaj 20000 m². Jon słužyŭ u jakaści vučebnaha miesca dla padrychtoŭki zamiežnych spartoŭcaŭ dla ŭdziełu ŭ letnich Alimpijskich hulniach u 1932 i 1936 hadach. Padčas druhoj suśvietnaj vajny na stadyjonie baziravalisia častki niamieckich supraćpavietranych vojskaŭ.
Stadyjon byŭ rekanstrujavany i adkryty ŭ 1948 hodzie, kab stać chatniaj arenaj dla kłuba «Berliner SV49VG» (Sportverein Berliner Verkehrsbetriebe 49 je.V. — Spartovaje abjadnańnie bierlinskaj transpartnaj kampanii). Ale ŭ 1970 abjekt byŭ pieranazvali ŭ «Stadyjon BVB» u vyniku sprečki pamiž transpartnymi kampanijami Uschodniaha i Zachodniaha Bierlina.
U kancy 1990-ch stadyjon byŭ častkova adramantavany: staryja trybuny, jakija zaniesieny ŭ śpis architekturnych pomnikaŭ, nie čapali. Ciapier jany znachodziacca pad pahrozaj razbureńnia. Padčas ramontu rabočyja vyjavili avijabombu vahoj kala 113 kh (uklučajučy reštki samalota, jaki jaje nios), kulamioty, hranaty i faust-patrony. Jość padazreńnie, što jašče 5 ton vybuchovych rečyvaŭ znachodzicca ŭ hetaj miascovaści.
Ciapier na poli stadyjona svaje matčy čas ad času hulaje tolki miascovaja amatarskaja kamanda. Nieviadoma, čamu taki abjekt akazaŭsia zakinutym. Ale z upeŭnienaściu možna skazać, što ŭ lepšyja časy jaho dvuchtysiačnyja trybuny pieražyvali šmat radaści padčas spartovych mierapryjemstvaŭ.
