Vilenskija śpiecyjalisty ŭ halinie achovy zdaroŭja śćviardžajuć, što ŭ stalicy Litvy z-za mocnaha zabrudžvańnia pavietra dziaciej nie varta vyvodzić na vulicu.
Takija rekamiendacyi praktyčna štodnia z kanca kastryčnika dajuć dziciačym sadkam.
«Heta nasamreč moža vyklikać roznyja prablemy sa zdaroŭjem — moža adčuvacca razdražnieńnie ŭ vierchnich dychalnych šlachach, piaršyć u nosie i horle, źjavicca kašal, ciažkaje dychańnie. Asabliva niebiaśpiečna znachodzicca na vulicy dzieciam i darosłym, jakija pakutujuć na chraničnyja zachvorvańni dychalnych šlachoŭ abo sistemy krovazvarotu, mahčyma paharšeńnie stanu — da prykładu, prystupy astmy abo parušeńnie sardečnaj dziejnaści», — skazała BNS pradstaŭnik biuro hramadskaha zdaroŭja pry Vilenskaj meryi Davile Jakubavičute.
