Ukrainskija vajskoŭcy nie vyklučajuć, što rasiejskija bajeviki pry padtrymcy rehularnaj rasiejskaj armii mohuć pasprabavać pravieści značnyja nastupalnyja apieracyi, kab siłaj zmusić Kijeŭ pajści na palityčnyja sastupki, i budujuć abarončyja ŭmacavańni.
«Pa zahadzie prezidenta Ukrainy Piatra Parašenki ŭ Danieckaj i Łuhanskaj abłaściach budujucca pieršaja, druhaja i trećcia linii abarony», — paviedamiŭ u piatnicu pres-centr Antyterarystyčnaj apieracyi.
Pieršaja linija abarony prachodzić pa najaŭnaj linii frontu, druhaja budujecca na adlehłaści 15-20 km ad jaje. Praca nad treciaj linijaj jašče nie raspačynałasia.
Hazieta «Ukrainskaja praŭda» apublikavała fotazdymki, na jakich bačnyja ŭmacavańni, što budujucca dla ŭkrainskich vajskoŭcaŭ ŭ rajonie Kurachova — miastečka prykładna ŭ 28 km na zachad ad Daniecka. Takim čynam, jany naležać da druhoj linii ŭkrainskaj abarony.
Faktyčna, pieršyja dźvie linii ŭjaŭlajuć saboj kala 200 tak zvanych uzvodnych-apornych punktaŭ, jakimi błakujucca ŭsie bolš-mieńš prydatnyja dla ruchu transparta nakirunki.
Kali aporny punkt staić na šasejnaj darozie, to na im moža znachodzicca błakpost, a vakoł arhanizavanyja pazicyi dla piachoty i braniatechniki — BTR, BMP, tankaŭ i samachodnych zienitnych ustanovak. Dla ŭmacavańnia piachotnych pazicyj ad mahčymaha artyleryjskaha abstrełu vykarystoŭvajucca bietonnyja błoki i plity.
Inšyja punkty nie znachodziacca na darohach, a kantralujuć panujučyja vysoty — raŭniny i stepy Uschodniaj Ukrainy časam dazvalajuć prastrelvać terytoryju na 15-20 km uleva i ŭprava, adznačyŭ Dźmitryj Isajenka, namieśnik ministra rehijanalnaha budaŭnicstva Ukrainy.
Pa jahonych słovach pieršaja linija abarony ŭžo hatovaja na 98%, druhaja — na 50.
Punkty nie stajać na adnolkavaj adlehłaści adzin ad adnaho, bo heta zaležyć ad łandšafta kankretnaha rajona — časam pamiž imi 5, a časam i 20 km.
Nakolki možna sudzić, hałoŭnyja mety druhoj linii ŭkrainskaj abarony — kantralavać situacyju ŭ bližniaj zonie za linijaj frontu i chacia b časova zatrymać mahčymy praryŭ rasiejskaj armii i bajevikoŭ praź pieršuju liniju.
U ideale jany stanuć tym rubiažom, za jaki začepicca ŭkrainskaja armija pry patrebie adstupać ad ciapierašniaj linii frontu, i stanuć novaj linijaj abarony. Samastojna, kaniešnie, uzvod (va ŭkrainskaj armii — 28 čałaviek) navat pry padtrymcy niekalkich adzinak techniki nie strymaje nadoŭha jaki-kolviek masavy nastup.
Nie vyklučana, što na fonie rezkaha padzieńnia koštaŭ na naftu i kursa rasiejskaha rubla, Uładzimir Pucin moža pasprabavać arhanizavać čarhovuju vajskovuju avanturu, kab padtrymać ułasny imidž unutry RF i zmusić Zachad admianić ekanamičnyja sankcyi.
