Namieśnik ministra abarony t.zv. Danieckaj narodnaj respubliki pa vyviedcy Siarhiej Piatroŭski, viadomy pad psieŭdanimam «Chmurny» i «Drenny sałdat», paviedamiŭ pra toje, što kamandujučy «apałčeńniem» Horłaŭki «hienierał-major DNR» Ihar Bieźler žyvy i zdarovy, ale naŭrad ci vierniecca ŭ Horłaŭku.
Pra heta piša adyjozny partał Imperiya.by.
«Ihar Bieźler žyvy i zdarovy. U DNR vidavočna ŭžo nie vierniecca —atrymaje pryznačeńnie na terytoryi RF. U paniadziełak-aŭtorak jaho čakaje jašče adzin pryjemny siurpryz, ale pra heta pakul nichto, i jon u tym liku, nie viedaje. Usio — na hetuju temu piačeńki skončylisia», — paviedamiŭ Piatroŭski.
Pa papiarednich dadzienych, Bieźler budzie pradstaŭnikom DNR na terytoryi Rasijskaj Fiederacyi.
Jak paviedamlałasia, ab zabojstvie Ihara Bieźlera zajaviŭ daradca ministra abarony Ukrainy Alaksandr Daniluk.
