U adnoj z pryvatnych klinik Maskvy padčas apieracyi pa abrazańni pamior pamočnik byłoha hubiernatara Jamała-Nienieckaj Aŭtanomnaj akruhi, ciapier sienatara.
Jak paviedamiła karespandentu BałtInfo krynica ŭ pravaachoŭnych orhanach, 38-hadovy žychar padmaskoŭnaj Bałašychi źviarnuŭsia ŭ kliniku z prośbaj vydalić krajniuju płoć i padčas padrychtoŭki da apieracyi, adrazu paśla ŭviadzieńnia aniestezii, daktary zafiksavali spynieńnie sardečna-dychalnaj dziejnaści, praviedzienyja reanimacyjnyja dziejańni vyniku nie prynieśli, vyklikanaja bryhada chutkaj dapamohi kanstatavała śmierć mužčyny, padčas ahladu cieła i miedycynskaj dakumientacyi było vyjaŭlenaje paśviedčańnie pamočnika sienatara «, — skazaŭ surazmoŭca ahienctva.
Zaraz vyrašajecca pytańnie ab uzbudžeńni kryminalnaj spravy, ustaloŭvajecca vina daktaroŭ miedycynskaha centra.
Jak paviedamiła inšaja krynica ŭ pravaachoŭnych orhanach, adnačasova raspačataja pravierka dziejnaści miedycynskaha centra. Akazałasia, što klinika, dzie adbyłosia zdareńnie, śpiecyjalizujecca na praviadzieńni aftalmałahičnych apieracyj.
