Učora na staronkach u sacyjalnych sietkach minskaha načnoha kłuba Dozari źjaviŭsia anons viečaryny Welcome to Belarus. Prypiska pa-biełarusku padaje hetuju padzieju, jak «hrandyjoznaje nacyjanalnaje šou».
Arhanizatary abiacajuć «najlepšyja kalektyvy krainy». U zajaŭcy paznačanyja Dj Gangster i Dj Inside. Mierapryjemstva musić adbycca 8 listapada.
Hetym razam u vykanańni afišy nie vykarystoŭvalisia partrety palityčnych dziejačoŭ, jak simvały Biełarusi pradstaŭlenyja busieł, zubr i frahmient tradycyjnaha arnamientu.
Mahčyma, hetkim čynam kłub «Dazary» adkazvaje na krytyku za dva mierapryjemstva – «Ruskim być modna» i «Ruskaja noč», jakija prajšli ŭ pačatku listapada ŭ kłubie. Tady na afišach byli namalavanyja Pucin, aŭtamat Kałašnikava i matroški.
Art-dyrektar «Dazary» Alaksandr «Saŭnd» Kroitar u ŭ razmovie z «NN» zajaviŭ, što nie razumieje biełaruskaj movy, bo sam rodam ź Sibiry. U raniejšych intervju sp.Kroitar kazaŭ, što nie razhladaje «Biełaruś jak asobnuju krainu, a jak rehijon Rasii».
