Taryfy na inkasacyju i ekvajrynh u Biełarusi pavyšacca nie buduć, paviedamili ŭ Nacyjanalnym banku.
«Pastanovaj praŭleńnia Nacyjanalnaha banka Biełarusi ad 30 kastryčnika 2014 hoda numar 672 pryniata rašeńnie ab admienie pastanovy praŭleńnia Nacbanka ad 29 vieraśnia 2014 hoda numar 599 «Ab płacie za ažyćciaŭleńnie asobnych bankaŭskich apieracyj», — prainfarmavali ŭ Nacbanku.
Heta rašeńnie ŭstupaje ŭ siłu z momantu jaho pryniaćcia.
Pastanovaj numar 599, u pryvatnaści, było rekamiendavana bankam praduhledzieć ustanaŭleńnie płaty za akazańnie pasłuh pa inkasacyi najaŭnych hrašovych srodkaŭ u pamiery nie nižejšym za Br10 za Br1 000, za akazańnie pasłuh pa ekvajrynhu pa apieracyjach z vykarystańniem bankaŭskich płaciežnych kartak - u pamiery nie nižejšym za 0,8 pracenta ad sumy apieracyi. Taksama bankam rekamiendavałasia spahaniać płatu ŭ pamiery nie nižejšym za 1 pracent ad sumy apieracyi za pryjom praz svaje kasy najaŭnych hrašovych srodkaŭ ad prodažu tavaraŭ, vykanańnia rabot, akazańnia pasłuh.
