U Minsku płanujecca pabudavać zavod pa spalvańni hleistych kanalizacyjnych apadkaŭ. Ab hetym na pres-kanfierencyi 29 kastryčnika ŭ Minsku paviedamiŭ načalnik upraŭleńnia haradskoj haspadarki i enierhietyki Minharvykankama Dźmitryj Jančyk.
Pavodle jaho słoŭ, štodzionna ŭ Minsku ŭtvarajecca 700 ton takich apadkaŭ. Ciapier pad Minskam isnujuć tak zvanyja hleistyja sažałki na płoščy 85 ha. «Tudy jany voziacca i ŭtylizujucca. U śviecie takoje prymianiajecca vielmi redka. Tamu i budzie budavacca zavod. Na im buduć spalvacca hleistyja apadki, mahčyma, u płaźmie. Paśla hetaha zastajecca 10% ad apadkaŭ i hetyja reštki možna vykarystoŭvać u budaŭničych materyjałach abo darožnym budaŭnictvie», — adznačyŭ śpiecyjalist.
Taksama, pavodle jaho słoŭ, płanujecca rekanstrukcyja ačyščalnych zbudavańniaŭ i stvareńnie bijahazavych ustanovak na hleistych apadkach z atrymańniem elektraenierhii.