U Minsku projdzie čarhovaja akcyja pa lhotnym lačeńni ałkaholnaj zaležnaści, inicyjavanaja haradskim kliničnym narkałahičnym dyspansieram.
Jak paviedamlaje kamitet pa achovie zdaroŭja Minharvykankama, akcyja projdzie 31 kastryčnika pa adrasie: vulica Niakrasava, dom 22, korpus 1. Padčas akcyi buduć pravodzicca kadavańnie ad ałkaholnaj zaležnaści i tak zvanaja padšyŭka (impłantacyja preparata). Umovaj udziełu ŭ akcyi źjaŭlajecca ŭstrymańnie ad spažyvańnia ałkaholu na praciahu 10 i bolš dzion.
Zapis na lhotnaje lačeńnie pravodzicca ŭ pracoŭnyja dni z 9.00 da 16.00 pa haradskim telefonie 292-31-03
Biełaruskija miedyki nieadnarazova źviartali ŭvahu na vysoki ŭzrovień raspaŭsiudžvańnia ałkahalizmu ŭ krainie. U apošnim štohadovym dakładzie Suśvietnaj arhanizacyi achovy zdaroŭja «Ab stanoviščy ŭ halinie ałkaholu i zdaroŭja» Biełaruś była pryznanaja lidaram u spažyvańni ałkaholu. Pavodle źviestak SAAZ, spažyvańnie čystaha śpirtu na adnaho žychara krainy, jakomu bolš za 15 hadoŭ, składaje ŭ siarednim 17,5 litra. Pavodle ž aficyjnaj statystyki Ministerstva achovy zdaroŭja, spažyvańnie ałkaholu ŭ Biełarusi składaje 11,14 litra na dušu nasielnictva va ŭzroście bolšym za 15 hadoŭ.
