Pravaabaroncu Ludmiłu Bahacienkavu vyzvalili ź SIZA.
73-hadovaja Bahacienkava była zatrymanaja i aryštavanaja ŭ piatnicu, 17 kastryčnika. Napiaredadni jaje dastavili ŭ SIZA Piacihorska. Na pasiadžeńni suda pra abrańnie miery strymańnia Bahacienkavaj, jakaja maje druhuju hrupu invalidnaści, stała drenna. Joj vyklikali chutkuju dapamohu.
Pravaabaroncy pradjaŭlena abvinavačvańnie ŭ machlarstvie. Adnačasova palicyja praviała pieratrus u kabiniecie, jaki arandujecca adździaleńniem «Kamiteta sałdackich maci» pa Budzionaŭsku i Budzionaŭskim rajonie Staŭrapolskaha kraju («Maci Prykumja»), što ŭznačalvaje Bahacienkava.
U žniŭni Ludmiła Bahacienkava pieradała ŭ SPČ źviestki ab hibieli dzieviaci vajskoŭcaŭ, jakija prachodzili słužbu pa kantrakcie ŭ 18 motastrałkovaj bryhadzie (v/č 27777). Členy Savieta nakiravali ŭ Hałoŭnaje vajennaje śledčaje ŭpraŭleńnie Śledčaha kamiteta internet-zvarot z prośbaj raspačać kryminalnuju spravu. Adkaz tak i nie byŭ atrymany. 14 kastryčnika, jak paviedamlajecca na sajcie «sałdackich maci Sankt-Pieciarburha», śpisy zahinułych sałdat pieradali asabista prezidentu Rasii Uładzimiru Pucinu.
