Arhanizacyja Paŭnočna-atłantyčnaj damovy płanuje stvaryć siły chutkaha reahavańnia kolkaściu prykładna ŭ 5000 žaŭnieraŭ, kab nieadkładna abaranić svaich uschodnich sajuźnikaŭ ad mahčymaj ahresii z boku RF.
Sumiesnaja vysadka brytanskaj i francuzskaj marskoj piachoty, leta 2014.
U intervju Defense News hałoŭny kamandujučy NATA pa pytańniach refarmavańnia, francuzski hienierał Žan-Pol Pałamiero adznačyŭ, što dla Arhanizacyi znoŭ pytańnie kalektyŭnaj abarony robicca aktualnym.
«Ciapier my znoŭ viartajemsia da pytańnia kalektyŭnaj abarony. Pierš za ŭsio staić zadača płanavańnia, jakoje zabiaśpiečyć našuju hatoŭnaść adkazać na lubuju situacyju. Potym my pavialičvajem našuju «dynamičnuju prysutnaść», to bok kolkaść sumiesnych manieŭraŭ i navučalnuju aktyŭnaść», — skazał Pałamiero.
Bajavaja vysadka francuzskich parašutystaŭ u Mali ŭ 2013 hodzie.
Miarkujecca, što vojski krain aljansu – jak zvyčajnyja vajskovyja častki, hetak i siły śpiecpryznačeńnia — buduć uvachodzić u siły chutkaha reahavańnia pa čarzie pa pryncypie ratacyi.
«Nieabchodna pakazać, što NATA hatovaje, kab usie razumieli volu i zdolnaść NATA papiaredzić (varožyja dziejańni), strymać (ich) i pry patrebie ŭstupić u boj», — skazaŭ pradstaŭnik NATA.
Miarkujecca, što hety kantynhient, jaki budzie «nakaniečnikam dzidy» dla asnoŭnych siłaŭ NATA, zmoža być pierakinuty ŭ zonu kanfliktu maksimum za 48 hadzin.
