Šviecyja pryznaje paleścinskuju dziaržavu, pra heta zajaviŭ novy premjer-ministr krainy Stefan Łofvien.
«Kanflikt pamiž Izrailem i Paleścinaj moža być vyrašany tolki šlacham dźviuch dziaržaŭ», — zajaviŭ jon padčas svajho zvarotu ŭ parłamiencie z nahody ŭstupleńnia na pasadu.
Łofvien dadaŭ, što dla takoha rašeńnia prablemy nieabchodna «ŭzajemnaje pryznańnie i mirnaje suisnavańnie Izraila i Paleściny, paśla čaho Šviecyja i pryznaje Paleścinu dziaržavaj». Łofvien nie ŭdakładniŭ, kali heta budzie zroblena.
U vieraśni šviedskija sacyjał-demakraty pad kiraŭnictvam Łofviena razam ź inšymi levymi partyjami, u tym liku i «zialonymi», sfarmavali ŭrad.
Karespandenty paviedamlajuć, što taki krok Šviecyi, vierahodna, padvierhniecca surovaj krytycy z boku Izraila i ZŠA.
