Raśsielhasnahlad vyjaviŭ hienom afrykanskaj čumy śviniej (AČS) u partyi kaŭbasy ź Biełarusi.
Pra heta havorycca ŭ paviedamleńni ŭpraŭleńnia viedamstva ŭ Branskaj vobłaści.
«Śpiecyjalistami vieterynarnaj słužby Branskaj vobłaści ŭ 3 probach miasnych vyrabaŭ AAT «Aršanski miasakansiervavy kambinat», Respubliki Biełaruś vyjaŭlenaja najaŭnaść hienomu virusa AČS», — havorycca ŭ paviedamleńni.
U sapraŭdny čas zaražanaja partyja znachodzicca na zachoŭvańni ŭ Raśsielhasnahladzie, inśpiektary vyśviatlajuć, jak hienom AČS moh trapić u hatovuju pradukcyju.
Afrykanskaja čuma śviniej — vysokakantahijoznaja virusnaja chvaroba śviniej. Jana niaškodnaja dla čałavieka, adnak nie lekujecca ŭ žyvioł i pryvodzić da hibieli zaražanych asobin. Pavodle źviestak Raśsielhasnahlada, u 2014 hoda ŭ Rasiei zarehistravany try aktyŭnyja ŭspyški siarod chatnich śviniej i 50 — siarod dzikoŭ.
